VIÐ VERJUM ÞINN RÉTT !!!

Sérfræðingar á sviði fasteignakaupa-, verktaka- og samningaréttar síðan 2004

Lögmenn stofunnar sinna margvíslegum lögfræðilegum viðfangsefnum fyrir viðskiptavini á öllum meginsviðum lögfræðinnar. Okkar markmið er að auðvelda aðilum að sækja rétt sinn og koma í veg fyrir órétt. Fagmennska, trúnaður og persónuleg þjónustu er lögð til grundvallar í störfum lögmanna Lögverndar, hvort sem verkefnin eru unnin fyrir einstaklinga, fyrirtæki eða opinbera aðila.

Helstu verkefni stofunnar eru á sviði samninga- og kröfuréttar, skaðabóta- og vátryggingaréttar, skipta- og erfðaréttar, stjórnsýslu- og félagaréttar, vinnu- og verktakaréttar, fasteignakaupa- og leiguréttar, sifjaréttar auk sakamála.

 

Hafðu samband

Ármúla 15
108 Reykjavík

fyrirspurn@logvernd.is
588-1040

SÉRSVIÐ


Fasteignakauparéttur

 

Lögmenn stofunnar hafa rekið fjölmörg mál á sviði fasteignakauparéttar og gætt hagsmuna bæði fyrir kaupendur og seljendur, m.a. vegna galla og greiðsludráttar. Þegar hagsmuna er gætt varðandi fasteignakaup reynir jafnframt á sérfræðiábyrgð þeirra aðila sem milligöngu hafa átt um viðskiptin, þá helst fasteignasala. Á þeim hvíla víðtækar en þó að nokkru leyti ósamhverfar skyldur, sem m.a. getur leitt til þess að bótaréttur stofnast.


Verktakaréttur

 

Lögmenn stofunnar búa yfir reynslu á sviði ráðgjafar við gerð verksamninga en jafnframt við tilboðs- og útboðsgerð, þá m.a. varðandi undirbúning útboðsgagna, ritun verksamninga og við úrlausn ágreiningsmála, hvort sem er með samningaviðræðum eða fyrir dómi. Margvísleg álitaefni koma upp við framkvæmd verksamninga og vegna sérreglna sem gilda á sviði verktakaréttar, svo sem varðandi fresti og tilkynningar. Einnig er mikilvægt að aðilar leiti sér tímanlega lögmannsaðstoðar þar sem töf getur auðveldlega leitt til réttarspjalla.


Nábýlisréttur

 

Nábýlisréttur er ört vaxandi réttarsvið á Íslandi, bæði vegna aukningar á þéttbýli en ekki síður vegna ýmissa réttarbóta er varða grennd og nábýli. Þó eru meginreglur nábýlisréttar að nokkru leyti ólögfestar. Reglur nábýlisréttar setja afnota- og umráðarétti tilteknar skorður m.a. með tilliti til nálægra og velferðar annarra sem þar hafast við. Viðfangsefni nábýlisréttar varðar m.a. mörk leyfilegra og óleyfilegra athafna, þ.e.a.s. að hvaða leyti þarf að þola óþægindi í nábýli og þá þeim úrræðum sem standa aðilum til boða þegar nágrannar hafa brotið gegn grenndarreglum.


“In dubio pro reo”

– Ef vafi er um sekt skal sýkna

HAFÐU SAMBAND

Við ráðleggjum öllum sem telja á rétti sínum brotið að leita til okkar án tafar. Ef strax er leitað til lögmanns og faglega er staðið að málum frá upphafi eykur það verulega líkur á að unnt sé að gæta hagsmuna þinna með fullnægjandi hætti. Því fyrr sem þú leitar til okkar, því betur getum við gætt réttar þíns.

Opnunartími stofunnar er:
Mánudaga til föstudaga frá kl. 10.00 til 16.00

Hafðu samband við okkur og fáðu álit á réttarstöðu þinn !!!

Lögvernd ehf.

Ármúla 15, 108 Reykjavík

Sími: 588-1040

fyrirspurn@logvernd.is